Däi Jungfräiske Mäinskup is ‘n feräien, däi sük föör däi oostfräisk tóól un kultüer insetten, disser biibehollen un in d’ taukumst läiden wil. Wii säint däi siit oover 100 joer bestóónd Jongfryske Mienskip as us föörbild un süsterorgóónisóósjoon. Man trotsdeem is dat poolitisk stellen fan däi Oostfräisen in Düütskland ‘n anner, as dat fan däi Fräisen in d’ Proowins Fräisland (Fryslân) in Neerland.

Däi belangen fan d’ fräisk minnerhaid, däi in bâajd lâan ankent is, wordent in Neerland in ‘t paarlement fan däi proowins in Läiwerd döör poolitisk pertäjen ferfangen un kriigent düs wetgeevend recht. In Düütskland gift dat noch kiin räecht poolitisk ferfangen fan d’ fräisk minnerhaid in d’ leeğsaksk Landdağ of in d’ düütsk Bundsdağ.

Dat ferstaarken fan däi fräisk belangen kan bloot funksjoonäären, doo dat fräisk sülstferstendnis un ‘n fräisk sülstbewustweesen in Oostfräisland wóókt reesp. ferstaarkt wordent. Dat gaajt nóó dat mäinen fan d’ Jungfräiske Mäinskup best döör dat bewustworden oover däi fräisk ofkumst un dat Oostfräisk Plat. Däi Oostfräisk Tóól as fräisk-leeğdüütsk kuntakttóól un däi Sóóterfräisk Tóól as oosterlaauwersfräisk tóól wordent fandóóeğ al meer fan dat Düütsk ferdrungen. Dit ferdringen höört stopt, dat däi tóólen reewiitóólisäärt worden köönent.

Ook doo däi Jungfräiske Mäinskup sülst näit poolitisk t’gâang is, leent säi sepróótismus net as link- un rechtsekstreemismus of, um dat disser iidjooloogiiden altiid deestruktiif up selskuppen wirkent un noojt däi iidee fan ‘n fräej selskup ferfüllen köönent.

Net as elker feräien kan ook däi Jungfräiske Mäinskup bloot bestóón bliiven un siin dullen berekkken, wen fööl minsken mithelpent. Duu maust näit lid in us feräien weesen, doo duu dat sülstferstendnis fan däi Fräisen in Oostfräisland stöönen wult. Man dat sal us trotsdeem fraajen, doo wii dii in us mäinskup ferwilkoomen köönent. Dan elk kan siin biidrağ laisten. Wii nöygent düs elk un äien, us feräien tau stöönen. Elker hüelp, ne’ğeliik fan wekker tsoord, is altiid wilkoomen. Enkeld stöönmöögelkkaiden bünt:

• lid worden
• stöönen mit geld (insent of reegelmóótiğ)
• däilen fan us inhollens in d’ soosjóóel netwaarken
• stöönen bii aksjoonen (insent of reegelmóótiğ)
• un noch fööl meer